Dankwoord hoogheden 2023

door V.V. de Vêrkusköp · Gepubliceerd 27 februari 2023 · Geüpdatet 10 januari 2024

Jeugdpreens Tren I en Preens Frans I gaan inmiddels weer bijna een week gewoon door het leven als Tren Passage en Frans Lenders. Met hun dankwoord tijdens de abdicatie lieten ze nog een laatste keer van zich horen als de hoogheden van Zuid!

_________________________________________________________________________

Tren I

Leef Vêrkusköp en Vêrkusköpkes,

Heej staon ich dan. 17 waeke geleeje stapdje ich same mét miên adjudânte Tijs en Rens, oeës aojers en breurs en zösse in ‘ne treîn.

De Vêrkusköp treîn.

Dae treîn hieët 17 waeke aan ein stuk doeër gereeje.
Van ’t eîne geweldjige station nao ’t ânger nog schoeëner station en weer doeër.

Ich heb genoeëte van alle stations.
Miên uutrooping mét oeës jachtseizoen filmpke woor echt supergaaf. De optocht woor geweldjig. Alle fieësjes, dansjes met de aojers en mét ânger vereînigingen oppe buun. In ein woeërd fantastisch.

Vae hebbe al di-j waeke gefieësj wi-j bieëste, gesproonge wi-j gekke, gegaete wi-j vêrkus. ‘T kós neet gek genog. Koste vae nog mér effe doeërgaon.

Ich kan eederein neet genóg bedânke di-j dit alles meugelik hebbe gemaaktj vör mich en miên adjudânte.

Vuuër dét ich vör de letste kieër gaon aafsloeëte mét miên devies, heb ik nog eine weens. Ich wil gaer mét eederein, mér dan auch eederein heej inne zaal nog eine kieër mét ziên alle same dânse.

“De zaal ging los”

Leef Vêrkusköp, Vêrkusköpkes en alle ânger minse di-j geholpe hebbe ‘ne dikke dikke merci. Dânke dânke dânke En now gaon ich echt vör de aller aller aller aller allerléste kieër aafsloeëte met mien devies:

Mét mich as drummendje scout vuuërop, wurdj dieëze Vastelaovundj kei-j tóp!

_________________________________________________________________________

Frans I

Beste verkuskup en verkuskopkes.

Ut zitj er bekans op waat ongertussen ut jaor van Frans anders is gaon heite.

Mer waat bin ich greeuts det ich dit heb mooge meij make.
Vanaaf daag 1 heb ich eine geweldige groep minse um mich haer diej er alles aan doan um er ein geweldig fieëst van te maken.
Vae hebben genote en beseffen nog neet half wie speciaal deze periode waas en waat vur ein geluk vae hebben det vae zoeë ein lang seizoen hebbe moge mei-jmaken.

Tevul hoegtepunten um op te neume. Eeder fieëst of uutstapje haaj weer un eigen sjarme.
Vae hebben zo now en dan de grenzen opgezochtj mer die werden of neet gezeen of door de vingers gezeen. Inkele veurbieldje heej van zeen:
– toch beheurlijk zaat op de buhne staon (Bilzen, preensetreffen Tungelder).
– net as de rogstaekers met 2 handschoon aan op de buhne staon beej un receptie – Van de buhn gehaaldj ware beej ut preense treffen in remunj umdet vae oever de reeling spronge beej Moerepatazie.
– Van scepter gewisseldj met de jeugdpreens Tren beej de receptie van de Bokkerijers.

Ich wil eederein bedanke dae op welke manier dan aug ongerdael is gewaesj van dit groeët fieëst. Namen neumen is gevaorlik mer ich gaon d’r waal un paar beneume. Waerdje neet geneumtj dan neem det neet perseunlik.

Allerieérst mien eigen gezin. Karin Lucas en Bram ich bin greeuts op uch en waat bin ich bli-j dejae mich dit hetj laote doon.
Ten twieëdje mien adjudanten mit hun gezin. Vanaaf dejae gevroagdj zeetj he-jae drek jao gezachtj en er alles aan gedaon um un fieëst te maken.
Neet te vergaete Tren met zien gevolg en de jeugdraod. Bedanktj vör dit geweldige fieëst waat vae samen gemaaktj hebben.
Aug mien preense begeleiders en hun partners. Waat zeejae un fijne groep minse die mich in alles ongersteundj hebben. Niks waor te gek en werd geregeldj.
As leste vastelaovendj vereingiging de verkuskop en eederein dae heej aan gelieerdj is. Dennis ich kiek uch daovur ff aan.