E dikke merci vör allemaol…

Waat hebbe vae genoeëte!
E fieëst wi-j e fieëst mot zeen. E fieëst van ederein vör ederein.
Waat hebbe vae genoeëte!

Preens Toeën I en Jeugspreens Guus I vuuërop op Wieërt-Zuid. Same op paad nao di-j ânger Preense van Wieërt en dao boete.
Waat hebbe vae genoeëte!

Same met Jeugdpreens Lex I, e kammeraod vör het leave. Op de buhn in het Buurthoês van Moesel, op de buhn op de mêrrentj. Samme zinge, same spinge.
Waat hebbe vae genoeëte!

Preens Toeën I en zien viêf adjes stad en land aaf met zien waerse Ku-j. Same toeëte, same doeër de straote van Wieërt. Aojerwéts muziek boete.
Waat hebbe vae genoeëte!

Same met de bus op paad, de jeugd met de groeëte.
19 rondje in de bus, e eige record, mer de Rog hieëf d’r 20 dus…
Waat hebben vae genoeëte!

Noow es het fieëst verbeej mer neet de herinnering aan e schoeëne vastelaovendj.
E dikke merci aan ederein, mer in ’t bezûndjer aan Guus en Toeën, det de-j twieë vuuërop ginge op Wieërt-Zuid en dao boeëte!