Jeugdpreens Steff 1 vanne Vêrkusköp
Ich bin Steff Langers en ich woeën met oês mam Vivian van Frans van Lei van Nentje, en os pap Eddy van Theo van Moase Sjaak, en groeëte zös Jill oppe Kokmieëuw.
Doeër de waek zit ich oppe Basisschoeël de Graaswînkel in klas 8b beej meister Dave en dae prebieërtj mich vanalles wieës te make.
Wieter bin ich drök gaondje met kompjoetere en oefene vör de Wichter Boonte Middig vanne Vêrkusköp. Mer vuuëral unne fanatieke voetballer, daorum heb ich gekoeëze vör:
De orde vanne Vlotte Voetballer
De kaomendje waeke waer ich òngerstuuëndj doeër mien 2 adjudânten Bente Thijssen en Siem Jacobs en neteurlik de Jeugdraod van Elluf van V.V. de Vêrkusköp, met z’n allen gaon vae d’r eîn schoeën fieëst van make.
Ich heb âl unne super sjieke medalie, mer ouch un devies en det hieët alles te make met vastelaovundj, vae zeen namelik alle dre-j lid van vastelaovundjvereiniging de Moêlemaakers:
Met unne Moêlemaaker vuuërop en jullie d’r achteraan, gaon vae dieëze vastelaovundj d’r tieëgenaan
Ich hoeëp det vae uch allemaol tieëge kaome in ut Buurthoeës um dao same eîn groeët fieëst te veere tiêdes âl oeës aktiviteite!!!!!
Jeugdpreens Steff 1 vanne Vêrkusköp
