Heej staon ich dan as Jeugdpreenses van V.V. De Vêrkusköp 2026! Dit Jubileum sezoên wurdtj ’t eîn groeët fieëst! Dét fieëste kin de Jeugd Vêrkusköp good, en oppe bühn staon es mich neet vrieëmdj. Laeszj mer gaw wieter, dan kojje mieër oeëver mich te weite:
ICH BIN JEUGDPREENSES ISA D’N 1e VANNE VÊRKUSKÖP!!!!
Ich bin Isa Peeters (Pieëters) en bin twelf jaor aod. Ich bin ‘n dochter van Bart Pieëters en Maartje Winkelmolen. Ich woeën met mien mam oppe Houtsnip en op en aaf beej os pap en Noëlla oppe Penitentenstraot.
Al vanaaf det ich kin loupe bin ich al aan ’t dânse. Vanaaf det ich 2,5 jaor woor bracht mien mam mich dan ouch gaw nao de dânsles en stóng ich met mien dânstalênt inne talênteshow op vekânsie in Italië. Dao woor ich de jóngste deilneemster oeëts! Noow dâns ich thoês én met vriendinne op ’t schoeëlplein.
Doeër de waek bin ich ein vanne groeëtste sloddervosse en luidruchtigste op KC Grasrijk. Dao zit ich in groep 8 beej meister Bart. Ondanks det ich mich dek vuuërbieëldjig gedraag inne klas, bin ich stiekem ouch waal aan ’t giebele tössedoeër.
In miêne vri-jje tiêd heb ich zangles beej Janneke’s zangatelier, want ouch det zeenge doon ich al van kleins aaf aan. En ’t leefst d’n hieële daag doeër. De longe uut mien liêf zeenge combineer ich met mien dânsskills inne schoeënste musicals van Wieërt, zoeë as in ’t musical project van Stichting Musical Stella Duce. Dao heb ich met bn’er Guido Spek inne musical moge speule. De musical hétdje “Maskers af” en ich waas Noor de magiër.
Umdejje hetj kinne laeze det ich dek te veenge bin oppe bühn, heb ich de orde ingesteldj van:
“Ut Bühnebieëst”
En as dejje dan deenktj det ich met zeenge en dânse mien waek waal um krieg, hejje det fout gedachtj. Want um miene energie nog kwiêt te kinne goes ich al 5 jaor lânk gaer ‘n belke beej HV Rapiditas. Dao speul ich inne D3 en bin ich 3 kieër per week ’n fanatiekeling in ‘t vêldj. Veurâl beej de wédstriêde. Daonaeve maak ouch nog tiêd vör dinger zoeë as; skeltere, koprolle oppe rekstok, salto’s oppe trampoline en bin ich groeëte fan van spelletjes.
Same mette joonges en maegdjes vanne Jeugdraod, dae bestieët uut: Nova Wiermans, Roos Pleunis, Lina Smeets, Merijn Ramakers, Senn Scheffers, Saar van Kuijk, Sterre Kokkas, Liv Hompes, Féline Ensink, Marit van Zwol en Iris Hompes, gaon vae d’r ‘n super sjiek Jubileum sezoên van make, mer daovör heb ich ouch nog twieë adjudânte noeëdig. Naeve mich staon dit sezoên: Adjudânte Marijn van der Zanden en Adjudânt Fabio Ramakers
Vae goon de vastelaovendj doeër ónger mien devies:
“Shine oppe bühn, goeze op ‘t vêldj… ich laot ‘t los. Vastelaovendj es waat noow teltj”
Wis gaw tot op ein vanne activiteite in ’t Buurthoês. Dan goon vae fieëste wi-j bieëste!
