Leef Vêrkusköp en Vêrkusköpkes
Eindelik ésj zoeëver. Ich heb lânk zat mieëne moond motte haoje, mer now moog eederein ‘t wieëte.
ICH BIN JEUGDPREENS TREN D’N 1e VANNE VÊRKUSKÖP!
Vör de minse di-j mich nog neet kinne, óf wildje gewoeën weite waat ich te zegge heb dan laesj vuuëral wieter, want ich stel mich efkes vuuër:
Ich bin Tren Passage en bin eîne kieër elf jaor aod. Ich bin ‘ne zoeën van Roy en Madelène Passage en heb twieë zösse, det zeen Lotte en Sanne. Same woeëne vae oppe Willem de Rijkestraot.
Doeër de waek bin ich al jaore de hendjigste op Brej Schoeël Moêzel. Heej zit ich in groep acht beej juf Milan.
In miêne vri-jje tiêd bin ich eeder waekend te veenge beej Scouting St. Maarten. En di-j ânger daag vanne waek maak ich gaer wat muziek op mien drumstel. De rest van ’t hoêshaoje geneetj dan lekker mej. Daorum heb ich de orde ingesteldj van:
De Drummendje Scout
Daobeej heb ich neteûrlik ouch een keij sjiek devies woeë ich dieëze vastelaovendj mej vuuërop gaon. En dae heef alles te make met mien hobby’s. Mien devies és:
Met mich as drummendje scout vuuërop, wurdj dieëze vastelaovendj kej top!
De vastelaovendj veer ich same mette joonges en maegtjes di-j inne raod zitte, mer ich heb ouch nog twieë adjudânte di-j same met mich d’r ‘n fantastisch sezoên van gaon make.
Mien adjudânte zeen: Tijs Salmans en Rens Vanderfeesten
Daomej zeeje deenk ich waal genog oeëver mich te weite gekôme. Noow heb ich vuuëral zin um d’r same ’n groeët fieëst van te make met dieëze vastelaovundj. Dus gaer zeen ich uch op ein vanne activiteite in ’t buurthoês.
Wis gaw! Alaaf
Groetjes Jeugdpreens Tren l
