Jeugdpreenses Suze d’n 1e
Leef Vêrkusköp en Vêrkusköpkes
Eindelijk ésj zoeë wiêt. Dae eîne groeëte droûm van mich es uutgekome.
ICH BIN JEUGDPREENSES SUZE D’N IEËRSTE VANNE VÊRKUSKÖP!
Vör de minse di-j mich nog neet kinne zal ich mich efkes vuuërstelle…
Ich bin Suze Willekens en bin 1 kieër 11 jaor joónk.
Oeës pap, Rolf, és d’r eine van Peter van Joeëste Tien uut d’Indj en oeës mam, Marion, és d’r ein van Loek van Cis vanne Kapper. De aojer generatie zulle ‘m zieëker nog kinne… Ich heb ouch nog ‘n breurke Lex en ‘n zösterke Lot en same woeëne vae oppe Kruusstraot.
Doeër de week bin ich al jaore de creabea op Brei-j Schoeël Moêzel. Heej zit ich in groep acht beej juf Daphne. En gaon ich gaer nao dieës fein schoeël, met ‘n fein juf en ’n fein klas.
Mer al gaon ich nog zoeë gaer nao schoeël, miene vreeje tiêd ving ich minstes zoeë belangriêk… Doeër mien hobbies bin ich namelik kejgood vuuërbereidj op dit vastelaovendjssezoên… Laesj mer…
Gae laesj ‘t. Ich heb zat hobbies, mer de allergroeëtste és toch écht vastelaovendj veere. Det ich dan ouch de Jeugdpreenses vanne Vêrkusköp moog zeen és ‘ne droûm dae uutkeûmptj. Daorum heb ich de orde ingesteldj van…:
MIENE DROÛM
En dae droûm deil ich gaer mette Jeugdraod van 11 én mien adjudânte. Mien adjudânte zeen: LIEKE LENAERS en GUUSJE MERTENS.
Same gaon vae de Jeugd Vastelaovendj doeër ónger mien devies:
DIEËZE DROÛM PAKTJ NEMES MICH AAF…
VÊRKUSKÖP ALAAF! VÊRKUSKÖP ALAAF! VÊRKUSKÖP ALAAF!
Zoeë, noow wejje waal weem ich bin en heb ich hieël völ zin in dieëze vastelaovendj te veere met z’n alle. Hopelijk kojje ouch nao mich kieke oppe Wichter Boonte Middig op zoondig 21 jannewari of zeen vae deindânger op ein van oeës anger activiteite op Moêzel. Kaertjes bee-j Wendy!
