Jeugdpreenses Veerle I 2019

Leef Vêrkusköp en Vêrkusköpkes

Noow heb ich al ‘nne hieële tiêd miene moond motte haoje, mer dan es ‘t zoeë wiêt en moog edereîn ‘t dan eindelijk wieëte: Ich bin jeugdpreenses Veerle de 1e vanne Vêrkusköp. Laesj gaw wieter, dan stel ich mich efkes vuuër: Ich bin Veerle Stijnen en bin eîn kieër elf jaor joonk. Ich bin ’n dochter van aod preens Frank Stijnen van Frans van Spijk en Linda Houben.

Doeër de waek kin-dje mich vînge op OBS de Graaswînkel in groep 8 beej jufrouw Liesbeth en jufrouw Sabrina. Dao probieëre ze mich elke daag wat beej te lieëre, mer of det luktj des ‘n twieëdje. Noow zeejae neteurlik benoedj waat ich nog mieër doon. In miene vreeje tiêd haw ich gaer tieëge ‘nne bâl op ‘t hockeyvêldj en dansje ich tot vuuërig jaor tiedes de vastelaovendj beej de huppelpupkes. Umdet dit mien groeëtste hobbies zeen, heb ich de orde ingesteldj van:

Ut Huppelendj Hockey Maegtje

Same met de jônges en maegdjes vanne Jeugdraod gaon ich ‘n super sjiek sezoên tieëgemoed, mer daovör heb ich ouch nog twieë adjudânte noeëdig di-j mich de kômendje tiêd moge hêlpe met ‘t ein en anger. Det zeen Faye Hansen en Lotte Passage. Ich heb ’n super sjieke orde, mer dao naeve heb ich ‘n devies en ouch dae hieët alles te make met mien groeëtste hobbies, want mien devies es:

Dit jaor neet huppele of tieëge ‘nne bâl aan hawwe mer mét uch ‘n fieëstje bawwe!!

Zoeë, noow hejje waal genog gelaeze en wil ich uch hieël gaer in t buurthoês zeen ‘m dao same dét fieëstje te bawwe. WIEËRT-ZUID, ALAAF!!