Nao mich lang stil te hebbe motte haoje, ze heb- be mich namelik al op 12 september gevraogdj, bin ich heej dan, de nowwe Preens vanne Vêr- kusköp van 2019, waat neteurlik geweldjig is. Ich zal mich effkes vuuërstelle, vör de minse deej mich nog neet kinne. Ich bin Wesley Steuten (inderdaad van di-j bekindje wielrennersfemilie van vreuger) en ich bin 37 jaor geleeje geboeëre in ‘t zeekehoês van Wieërt, as unne zoeën van os pap Hennie Steuten (Aod preens vanne Vêrkus- köp 1995) en os mam Petra Steuten-Köster ( ‘n zöster van aod preens vanne Vêrkusköp Jean- Paul I in 2013) dus ich heb ‘t al ‘n paar kieër van waat korter beej mej mooge maake. De ieërste paar jaor van mien laeve heb ich op ‘t Groenewoud gewoeëndj, later zeen vae op Bos- seve gaon woeëne, woeë mien zöster Heej op Zuid gieët ‘t gebuuëre Det zulle ze in hieël Wieërt huuëre! Joëlle es geboeëre. In 1987 zeen vae verhoesj nao Kieëntj en waal nao de Gildestraot achter de aoj Bera febriek. Heej bin ich unne echte Vêrkuskop gewoeëre met diverse deîlnames aan de groeëte femilieoptocht van Wieërt-Zuid. In 1994 heb ich beej de jeugd-Raod gezaette en later bin ich nog dek mej gewaesj met de Vêrkusköp umdet os Pap en os Mam inmiddels beej de Road zoote. Toen ich waat aojer waas ging ich regelmatig op stap op de Oelemerrentj woeë ich mien vrâwke Bonnie heb lieëre kinne. In 2006 zeen vae gaon saamewoeëne op ‘t Groenewoud. Nao 6 jaor haaje vae ‘t dao waal gezeen en zeen vae trök gegânge nao mien “Roots” âchter de Tunnels. Heej woeëne vae now alwieër ‘n dikke 6 jaor op de Kammerstraot, op Kieëntj op ‘t terrein van de aoj Bera fabriek. Nao 15 jaor te hebbe gevreeje zeen vae op 28 september 2018 getrâwdj. Saame hebbe vae twieë prachtige wichter, namelijk Shania van 6 jaor en Davino van 4 jaor. In ‘t dageliks laeve mot ich neteurlik ouch wêrke um de schoeërsteîn te laote rouke en det doon ich sins drei-j kwart jaor beej Wetron Logistics as Logistiek Coördinator. Hobby’s heb ich ouch nog ‘n deîl, ich gaon gaer met mien kammeräöj nao mien voetbalklupke in Eindhoven kieke en ôngertusse dreenke vae dan gaer ‘n putje beer en aojore vae waat. Verder heb ich jaore ônger de lat gestânge beej ver- schillendje voetbalklups in Wieërt, mer ich waas ‘t beste in de derdje helft. Tieëgewoeërdig doon ich ‘t waat rustiger aan en probieër ich waat te fietse op unne renfiets beej TWC Wieërt, van dao ouch mien orde van:
‘ut fietsendj Keeperke’
Preens vanne Vêrkusköp zeen kin ich neteurlik neet allein, dao beej heb ich ‘n paar gooj adjudân- te en hun partners nuuëdig. De ieërste adjudânt es unne primeur beej de Vêrkusköp, namelik de ieërste vrâwlikke adjudânt in de historie en det is mien eîge zöster Joëlle Steuten, saame met heure vreendj Paul Geurts heet ze twieë wichter namelik Chavi en Dano. De twieëdje adjudânt es al 31 jaor miene kam- meroad en det es Roy Hermans. Hae es getrâwdj met Sharon en saame hebbe ze drei-j wichter namelik Fabian, Benjamin en Tobias. Mien derdje adjudânt kin ich ouch al hieël lang en det es aod Jeugdpreens van 1993 Bart Salmans. Hae es getrâwdj met Joyce en saame hebbe ze ouch twieë wichter namelik Lewis en Lux. Dan mien leste en veerdje adjudânt, dae kumptj vanne ângere kânt vanne knaal, hieëlemaol uut Bosseve, Jeroen Jans- sen. Saame met zien vriendîn Kim heet hae twieë wichter namelik Viv en Sev. Sev is de jóngste van de hieël groep, want hae is pas geboeëre nao det vae al wiste det vae met dieëze groep de vastela- ovundj van Wieert Zuid 2019 zoeëje vuuërgaon. Noow de groep complieët es en ich eederein heb vuuërgesteldj es ‘t tiêd um te fieëste, kotj nao alle activiteite âchter de tunnels zoeëdet vae d’r saame met uch ‘n prachtig fieëst van kunne maake ônger mien devies:
Heej op Zuid gieët ‘t gebuuëre
Det zulle ze in hieël Wieërt huuëre
