Uit Ons Archief // Gazet 2015-2016: ‘t Convent 2016
Conventlee-je zeen mînse di-j al völ jaore lît zeen vanne vereiniging. Ut zeen vuuëral mînse di-j aktief waare innut Besteur, of minstens 11 jaore lît waare vanne Raot van Elluf. Doeër de laeftieëd of anger ree-je zeen dieës mînse ut waat röstiger aan gaon doon, mer zeuj wille toch nog betrokke blieëve beej de vereiniging. Dao wuuërdj ouch waal èns gezagdj det det de wieës mînse zeen. (Kiektj mer èns nao de footoo). Dieës mînse staon altieëd klaor as dur karweikes opgeknaptj motte waere. Ein aantal van dieës mînse zeen eeder jaor present um de 2 preensewaagus wieër good inne verf te zette. Auch zörrige dieës lee-je dur vör det vuuër eeder aktiviteit innut Buurthoeës alles klaor stieët en nao aafloup vanne aktiviteit det alles wieër opgeruumdj wuuërdj.
Mer de Conventlee-je zeen dur ouch dèk beej as de vereiniging dur optrèktj nao ânger aktiviteite, zoeëwi-j resepsies.
Daorum es de vereiniging bli-j met ut Convent en det zeuj nog deil oetmaake van di-j schoeën vereiniging VV de Vêrkusköp.
